بمباری کیلئے موسم خوشگوار ہے

0
1351
russian air force
russian air force

ماسکو:روس میں ایک ٹی وی چینل نے شام میں فضائی حملوں کی رپورٹنگ میں سب کو مات دیتے ہوئے شام میں روسی طیاروں کے فضائی آپریشن کیلئے خوشگوار موسم کی پیش گوئی کی ہے۔

ریاستی ٹی وی چینل روسیا 24 میں ایک خاتون ماہر موسمیات نے ناظرین کو بتایا کہ موسم کے لحاظ سے شام میں روسی طیاروں کی بمباری کیلئے اکتوبرموزوں ترین مہینہ ہے۔

ہفتہ کو موسم کی تفصیلات بتانے کی دوران خاتون ماہر موسمیات کے پیچھے ایک روسی لڑاکا طیارے کی تصویر اور’فلائنگ ویدر‘ کی سرخی تھی۔

انہوں نے بتایا کہ شام میں موجود ہلکے بادل روسی پائلٹس کو طیارے اڑانے میں دشواری پیدا نہیں کریں گے اور ان کے ہونے سے اہداف کو نشانہ بنانے میں بھی کوئی مشکل نہیں ہو گی۔

ان کا مزید کہنا تھا کہ وزارت دفاع نے شام میں فضائی آپریشن شروع کرنے کیلئے بہترین وقت منتخب کیا ہے۔

ٹوئٹر پر ایک صارف نے کہا ’آج سے شام بھی روس کا ایک علاقہ بن گیا ہے اور اسے روس کے موسم میں شامل کیا جا رہا ہے‘۔

ایسا پہلی مرتبہ نہیں جب حالیہ کچھ عرصے میں’روسی موسم‘ کو سیاسی بنا دیا گیا ہو۔گزشتہ سال مارچ میں ٹی وی چینلز نے ماسکو کے قبضے میں آنے کے فوراً بعد کریمیا کے موسمی حالات بھی سنانا شروع کردیے تھے۔

شام میں روسی ائیر فورس کے حملوں نے روسی میڈیا پر 24 گھنٹے یوکرائن تنازع کی کوریج کو پس پشت رکھ دیا ہے۔

NO COMMENTS

LEAVE A REPLY